O Plan Especial do polígono de execución integral 9 redáctase co obxectivo de ordenar o espazo baleiro existente nas inmediacións da praia de Portonovo, completando a trama urbana da fronte costeira.

A proposta adopta os criterios fixados no Plan de Ordenación Litoral, atendendo aos valores deste espazo xeográfico singular e expón unha ordenación que dea prevaleza ao espazo público, considerado valor fundamental da actuación e integrándoo como un espazo continuo, conectado e permeable cos espazos edificados e a urbanización das zonas verdes privadas.

A diferenza das urbanizacións tradicionais da costa, onde cada unidade de actuación resólvese como unha peza illada, o PEI-9 ten a vontade de salientar a paisaxe lindeira a través dunha proposta que toma partida do medio natural establecendo un nexo propio do lugar.