A Modificación Puntual do Plan Xeral de Ordenación Municipal das Neves redáctase baixo a premisa de conciliar as determinacións do planeamento urbanístico municipal coa vixente normativa de protección do patrimonio cultural e resolver as contradicións existentes no PXOM.

A aprobación do documento posibilita o desenvolvemento urbanístico do singular baleiro que constitúe o ámbito de actuación no centro da vila, tendo en conta que a execución da anterior ordenación detallada incluída no PXOM non era viable. Resulta ademais oportuno transcorridos máis de dúas décadas desde a aprobación do devandito Plan Xeral, reconsiderar algúns aspectos da ordenación incorporando criterios máis acordes tanto cos principios de racionalidade e sostibilidade como coas necesidades actuais da poboación